يامطول الغيبات وش ذنب الاجفان تشكي لجمر الهجر بعد المواني
تغيرت بعدك مقاييس الازمان حتى الثواني دهر ماهي ثواااني
في غيبتك كني للاحزان سلطان وكن السعاده شعبي اللي عصاني
احزان اودعها وتلفيني احزان لاراح وفد زارني وفد ثاني
ويحيط بي من هاجوس يقظان يمنع عن عيوني الكرى لو غزاني
وشلون اقول للنوم يغلب اذا كان النوم متوطيه هم وطاني
ياصاحبي ماجاش في صدري الاشجان ولاخفق قلبي وهز الحاني
الا لخوفي لاتكون انت نسيان عهد مضى واحلامنا والاماني
تدري بدونك شارد الفكر حيران ماغروا عيوني المترفات الغواني
ياماتمنيتك تجي طيف ندمان وتمدلي كف اعتذار نساني
ترى الندم توبه ويعقبه غفران ان خفت ربك في تعرف مكاني